வாழ்த்துகள்

அன்பான யாவருக்கும் காமாட்சியின்  மனமுவந்த  இனிய நவராத்திரி நல் வாழ்த்துகள்.  அன்புடன்.

வாழ்த்துகள்.

யாவருக்கும்  பிள்ளையார் சதுர்த்தி வாழ்த்துகள்.

நல்லவைகளையே   அருள்வாய்.   பாதம் பணிகின்றோம்.  அன்புடன்

காரஸார டொமேடோரைஸ்

காரஸாரமான டொமேடோரைஸ்.

நல்ல வண்ணம் நிறைந்த தக்காளிச் சாதம். காரமும் தான்.

நல்ல பழுத்த பெங்களூர் தக்காளி வகை நிரம்பவும் நல்லது.   கலந்த சாத வகைகளில் இதுவும் ஓரிடத்தைப் பிடித்து விட்டது.

சின்னவர்கள்,பெரியவர்கள் எல்லோரும் விரும்பி ருசிப்பது. நீங்களும் ருசியுங்கள்.

கலந்த சாதங்களுக்கெல்லாம், சற்று மெல்லிய நீண்டவகை அரிசிகள் மிகவும் நல்லது. நாம் எந்த வகை அரிசி உண்கிரோமோ அதில் தயாரிப்பதுதான் சுலபம்.

சற்றுப் பருமனான அரிசி வகைகளுக்கு துளி காரம்,உப்பு அதிகம் வேண்டுமாக இருக்கலாம்.

செய்து,செய்து இரண்டொரு முறை பழக்கப் பட்டால், நீங்களே பல பேருக்கு வகை சொல்லுவீர்கள்.

வேண்டியவைகள்

நன்றாகப் பழுத்த கலரான தக்காளி---4 பெரியது.

வெங்காயம்---பெரியசைஸ்---1

இஞ்சி---அரை அங்குலத் துண்டு

நல்லெண்ணெய்----2 டேபிள்ஸ்பூனிற்கு அதிகம்

கடுகு---அரை டீஸ்பூன்

கடலைப் பருப்பு,வேர்க்கடலை வகைக்கு 2 டீஸ்பூன்கள்

மிளகாய்ப்பொடி----அரை டீஸ்பூன் ,பெருங்காயப் பொடி  சிறிது

டொமேடோ சாஸ் அல்லது கெச்சப்-----1 டீஸ்பூன்

ருசிக்கு உப்பு

வற்றல் மிளகாய்----1

அரிசி---11/2 கப் கறிவேப்பிலை  வேண்டிய அளவு.

செய்முறை.

அரிசியை உதிர் உதிரான சாதமாகச் செய்து, தாம்பாளத்தில்கொட்டி ஆறவிடவும்.

ஒரு பாத்திரத்தில் தண்ணீரைக் கொதிக்க வைத்து, தக்காளிப்பழத்தை அதில் போட்டு  இறக்கி ஒரு தட்டினால் மூடி வைக்கவும்.

தண்ணீர் ஆறிய பிறகுதக்காளிப்பழத்தைவெளியிலெடுத்து  ஒவ்வொன்றாகத் தோலை உரிக்கவும்.

உரித்த தக்காளி,நறுக்கிய வெங்காயம், இஞ்சி இவைகளை மிக்ஸியில் தண்ணீர் விடாது அறைத்துக் கொள்ளவும்

வாணலியில் எண்ணெயைக் காயவைத்து,மிளகாய்,கடுகு,பெருங்காயம் தாளித்து,பருப்பு வகையையும் சேர்த்து சிவக்க வருக்கவும்

கரிவேப்பிலையை உருவிச் சேர்த்து  அரைத்த விழுதைக் கொட்டிக் கிளரவும். மிளகாய்ப் பொடி சேர்க்கவும்.

உப்பு,டொமேடோ சாஸ் சேர்த்து மிதமான தீயில் சுருளக் கிளரவும்.

எண்ணெய் பிரிந்து தொக்கு மாதிரி சேர்ந்து வரும் போது, சாதத்தையும்

சேர்த்துக் கிளறி சூடேறினதும் இறக்கி வைத்து உபயோகிக்கவும்.

ருசியான கலர்ஃபுல் டொமேடோரைஸ் தயார்.

உருளைசிப்ஸ்,அப்பளாம் பொரித்தது இவை எல்லாம்  இதனுடன் ருசியோ ருசிதான். வாழைக்காய் வறுவல்,நேந்திரங்காய் வருவல்,மிக்சர் சேர்த்து சாப்பிட்டுப் பாருங்கள்.

சாஸோ,கெச்சப்போ சேர்த்தால் கலர்,ருசி இரண்டும் கூடுதலாகக் கிடைக்கும்.

ஸ்கூலில் லன்ச் சாப்பிடும்போது பருப்புகளெல்லாம் வேண்டாம் என்று

பேத்தியின் விருப்பத்திற்கிணங்க  செய்தது இது. நீங்கள் பருப்புகளெல்லாம் போடுங்கள். முந்திரியும்  போடலாம்.

பார்ப்போமா அரிசிகூட பாஸுமதி இல்லை  இது. சீரகச்சம்பா போன்ற அரிசி .  மேலே உள்ளபடம்  மாதிரிக்குதான்.

உருளை பனீர் கோப்தா

உருளைக்கிழங்கும்  பனீரும் சேர்த்து நாம் இப்போது  கோப்தா செய்யலாம்.  பூரி ரொட்டி முதலானவைகளுடன்  விருந்தினர்களுக்கு இரண்டு மூன்று வகை   ஸைட்டிஷ் கொடுக்க இது மிகவும் உபயோகமாக இருக்கும்.
பார்க்கவும்   அழகு.
எங்கள்வீட்டில்  பூரியுடன்  இதுவும் ஒன்றாகச் செய்ததை உங்களுடன் பகிர்ந்து கொள்கிறேன்.   மிக்க நாட்களாயிற்று . இந்தப்பக்கம் வந்து.
பனீர் குறைவாகஇருந்தது.   அதனால் உருளை சேர்த்து செய்தது.  பார்க்கலாம் . வேண்டிய பொருட்களை.
பனீர்----200 கிராம்.    வேகவைத்த உருளைக்கிழங்கு திட்டமான ஸைஸ் --3
பொடியாக நறுக்கிய  பச்சை மிளகாய்--2,   பொரிப்பதற்கு எண்ணெய்,  கார்ன்ஃப்ளேக்ஸ் மாவு --2 டீஸ்பூன்.

மஸாலா பொடிக்க  லவங்கம்--4, மிளகு அரை டீஸ்பூன்,   ஏலக்காய்---2,பட்டை சிறிதளவு.    இவைகளை சுமாராக பொடித்துக் கொள்ளவும்.

வேண்டிய பொடிகள்.  மிளகாய்ப்பொடி---1 டீஸ்பூன்.  மஞ்சள்பொடி  அரை டீஸ்பூன்.தனியாப் பொடி-- சீரகப்பொடி முறையே  அரை டீஸ்பூன்.

அரைப்பதற்கு  தக்காளி--2,     இஞ்சி  அரை அங்குல நீளம்.வெங்காயம்--2

முந்திரிப்பருப்பு ---8
ருசிக்கு உப்பு.  தூவ மல்லி இலை சிறிது.
தாளிக்க  பிரிஞ்சி இலை--1 ,  நெய் சிறிது.

செய்முறை.
வேகவைத்த உருளைக்கிழங்கைத் தோல் நீக்கி மசித்துக் கொள்ளவும்.
அதனுடன்  பனீரையும் உதிர்துச் சேர்த்து நன்றாகப் பிசையவும்.  ;சற்றுக் குறைவாகவே  உப்பும்,  பச்சை மிளகாயும் சேர்த்து,கார்ன் மாவையும்  கலந்து  தண்ணீர் விடாமல்  கெட்டியாகப் பந்து போல் பிசைந்து,   ஸமமான உருண்டைகளாகப்  பிரித்து உள்ளங்கையில் வைத்து சிறிது தட்டையான ஷேப்பில் பிரஸ் செய்து    கோப்தாக்களை  செய்து  வைக்கவும்.

வெங்காயம்,தக்காளி இஞ்சியைத் தண்ணீர் விடாது கெட்டியாக அரைத்து  எடுத்துக் கொள்ளவும்.    முந்திரிப் பருப்பையும்  ஊறவைத்து,  தனியாக அறைத்துக் கொள்ளவும்.

மஸாலாதான் முன்பே பொடிக்கச் சொல்லி விட்டேன்.மீதி பொடிகள்தான்.
இப்போது வாணலியில் எண்ணெயைக்  காய வைத்து  பனீர்க்கலவை கோப்தாக்களை  பொரித்து எடுக்கவும்.

மற்றொரு வாணலியில்  இரண்டுஸ்பூன் நெய்யும் எண்ணெயுமாகக் கலந்து சூடுபடுத்தி,  பிரிஞ்சி இலையைத் தாளித்து   அரைத்தத் தக்காளி வெங்காய விழுதைக்  கூட்டிக் கிளறவும்.  சேர்ந்து வரும் போது, மஸாலாப் பொடிகள் மற்றும் பொடிகளைச்  சேர்த்துக்  கிளறி   முந்திரி   அரைத்திருப்பதையும் சேர்க்கவும். ஒரு கொதி வந்த பிறகு திட்டமாக  வேண்டிய உப்பு சேர்த்து    இரண்டு கப் தண்ணீர் சேர்த்துக் கிளறி கொதிக்க விடவும்.கொதிக்கும் கலவையை  நேரடியாக  ட்ரேயில் பரவலாகப் பரத்தியிருக்கும்   கோப்தாக்களின் மேல் விடவும்.
சூட்டில் ஊறிக்கொண்டு ஜம் என்று இருக்கும் கோப்தாக்கள். நேராக உணவு மேஜையின் மேல் வைக்க வேண்டியதுதான். கொத்தமல்லிஇலை தூவவும்.
படம் ஆரம்பத்திலேயே இருக்கிறது. பூரி,ரொட்டி,பரோட்டா எதனுடன் வேண்டுமானாலும் சாப்பிடலாம். உங்கள் இஷ்டம்.

பொங்கல் ஆசிகள்.

இனிய மகர ஸங்ராந்தி. பொங்கல் வாழ்த்துகளைக் காமாட்சி   உங்களுக்கு அளிக்கிராள்.   
ஆசிகளும் வாழ்த்துகளும் அனைவருக்கும்.  அன்புடன் காமாட்சி.

பஜ்ஜி மிளகாய்க் கறி.

காரமில்லாத  பஜ்ஜி மிளகாய்தான்   மேலேயுள்ள படம்.  காரமே இருக்காது. நீண்ட அளவில்  சற்றுப் பருமனான  இந்த மிளகாயினுள்  அதிக விதையும் இருப்பதில்லை.
மும்பையில்  சற்றுக் குட்டையாகக் கிடைக்கும். நம்ம ஊரில் கிடைக்கிறதா யோசனை செய்தேன் .  மிளகாய் பஜ்ஜியும் பிரபலமானது  நம் ஊரிலும். ஏதாவது காரம்  சற்றுக் கூடக் குறைய இருக்கலாம் என்று நினைத்துக் கொண்டேன்.

ரொட்டி,பரோட்டாவுடன் சாப்பிட இதைக் கறிபோல என் மருமகள் செய்கிறாள். நானும் ஒரு நாள் செய்து பார்த்தேன்.
ஸரி பிளாகிலும் போடலாம். பிடித்தவர்கள்,கிடைத்தவர்கள் செய்யலாமே?

வேண்டியவைகள்.   நான் கிட்டத்தட்ட  கால் கிலோ மிளகாயில் செய்தேன்.  காரமில்லாத  பஜ்ஜி மிளகாய்.  ஞாபகம் வைத்துக் கொள்ளுங்கள்.
மிளகாய்ப்பொடி----ஒரு டீஸ்பூன்
மஞ்சள்பொடி---அரை டீஸ்பூன்
தனியாப் பொடி---இரண்டு டீஸ்பூன்.
நல்ல கடலைமாவு---இரண்டு டேபிள்ஸ்பூன்.
எண்ணெய்--மூன்று டேபிள்ஸ்பூன்.
கடுகு,பெருங்காயம்,சீரகம்  தாளித்துக் கொட்ட
ருசிக்கு ---உப்பு.
செய்யும் விதம்.
சுத்தம் செய்த    மிளகாயைக் காம்பு நீக்கி
திட்டமான துண்டங்களாக நறுக்கிக் கொள்ளவும்.
அடிகனமான வாணலியில்  எண்ணெய்விட்டு சூடாக்கி   கடுகு,பெருங்காயம் சீரகத்தை தாளிக்கவும்.
மிளகாய்த் துண்டங்களில்   சிறிதைப் போட்டுக் கிளறி  பொடிகளைப் போட்டுப் பிரட்டவும்.  ஓரளவு பொடிகள் வறுபடும்.  மீதி மிளகாய்த் துண்டங்களைச்  சேர்த்துக் கிளறி விடவும்.
ஓரளவு  மஸாலாவுடன் மிளகாய் லேசாக வதங்கும்.
கடலை மாவைப் பரவலாகத் தூவி   நல்ல முறையில்  பரவலாக மாவு எல்லாவற்றுடனும்   ஒட்டிக்கொள்ளும் வகையில்க்  கிளறி விடவும்.
தீயை மிதமாக்கி  சட்டுவத்தால்   மாவு சிவக்கும் படியாக   அடிக்கடி லேசாகக் விட்டு விட்டுக்    கிளறிக் கொடுக்கவும்.

பச்சை மாவு வாஸனை போன பின்  கால் கப் தண்ணீரைத் தெளித்து,வேண்டிய உப்பைச் சேர்த்துக் கிளறி   மூடி வைக்கவும்.
இரண்டு மூன்று நிமிஷத்தில் மாவின் ஈரப்பசை போகும்.   நன்றாக வதக்கவும்.
கையில் ஒட்டாத பதத்தில் இரக்கி  உபயோகிக்கவும்.

வேண்டுமானால் இரண்டொரு சொட்டு எலுமிச்சை சாறு சேர்க்கலாம்.
பஜ்ஜி மிளகாய்க் கறி ரெடி.
வெங்காயம்,பூண்டு,இஞ்சி எது வேண்டுமானைலும் வதக்கும் போது சேர்த்துக் கொள்ளுங்கள்.

ஸ்பிரிங் ஆனியன்,பூண்டுத்தாள் இவைகளை,  இந்த முறையில் செய்யலாம்.  முடிந்தவர்கள்,பிடித்தவர்கள் செய்யலாமே?
தண்ணீர் தெளிக்கும் போது   சிறிது சிறிதாகத் தெளிக்கவும்.

பைனாப்பிள் இனிப்புக்காரப் பச்சடி.

வெகுநாட்களாக இந்தப்பச்சடியைச் செய்து பார்க்க எண்ணம்.  மும்பையில்  கலியாண சமையல்களில் பந்தியில்  இந்தப் பச்சடி கட்டாயம் இடம் பெறுகிறது.    ஸரி நாமும் செய்து பார்த்து விடலாம் என்ற எண்ணத்தில் செய்தது இது.  கட்டா மீட்டா என்று ஹிந்தியில் சொல்வார்கள். அது ஞாபகம் வந்தது.   நீங்களும் செய்து பார்க்கலாமே!

வேண்டியவைகள்--- பைனாப்பிள் துண்டுகள் அதான் அனாசிப்பழத்துண்டுகள்-2கப்
தேங்காய்த் துருவல்   --அரைகப். சிறிது குறைவானாலும் பரவாயில்லை.
சீரகம்--அரைஸ்பூன்,

  வெல்லம் கால்கப் .
 . பச்சைமிளகாய் --சிறியதாக இரண்டு
.புளிப்பில்லாத  தயிர் அரைகப்.
  கடுகுசிறிது, எண்ணெய் தாளித்துக் கொட்ட சிறிது. உப்பு சிறிது   மஞ்சள்பொடி. துளி

செய்முறை.
தேங்காய்,மிளகாய்,சீரகத்தைத் துளி தயிர் சேர்த்து நன்றாக அரைத்து எடுக்கவும்.

  பழத்துண்டுகளைச் சிறிது  தண்ணீருடன், உப்பும்,மஞ்சள்ப் பொடியும் சேர்த்து நன்றாக வேகவைக்கவும்.

பழம் வெந்ததும்  வெல்லப்பொடியைச் சேர்த்துக் கிளறிக் கொதிக்க வைக்கவும்.

அரைத்த தேங்காய்க் கலவையைச் சேர்த்து ஒரு கொதி விட்டுத் தயிரைச்சேர்த்து இறக்கி, கடுகைத் தாளித்துக் கொட்டவும்.
 பச்சடி தயார். மிளகாய்  காரத்திற்குத் தக்கபடி சேர்க்கவும்.
பழம் சிறிது குறைவானாலும்  பரவாயில்லை.  பச்சடி   சுவையாகத்தான் உள்ளது.