Thursday, 31 December 2020

வாழ்த்துகள்


 காமாட்சியின் ஆதரவு   அன்பர்களுக்கு இனிய ஆங்கிலப் புத்தாண்டு 2021   வரவேற்று  வாழ்த்துகளைத் தெரிவிக்கிறேன். அன்புடன் காமாட்சி

                  இனிய  புத்தாண்டு வாழ்த்துகள்.

Saturday, 28 November 2020

அண்ணாமலை தீபத்திருநாள்


அளவில்லாத அகல் விளக்குகளை ஏற்றி,  அண்ணாமலையாரை மனதில் நினைத்து, உலகமுழுவதையும்  கொரோனா என்ற அரக்கன் பிடியிலிருந்து  விடுவித்து,  பயமற்ற  வாழ்வைக் கொடுக்க வேண்டுவோம்.   அன்புடன் 

நாளை 29 நவம்பர்   அண்ணாமலை தீபம். வாழ்த்துகள் யாவருக்கும்.

Saturday, 21 November 2020

திருவண்ணாமலை


 

மலையையே தெய்வமாக வணங்கும் உன்னத மலை இது

பஞ்ச பூதத் தலங்களுள் அக்னித்தலமாக விளங்குவது இது.

திருவண்ணாமலை தலத்தைச் சுற்றி1008 லிங்கங்கள் புதைந்திருப்பதாகக் கூறப் படுகிறது.

வினையை நீக்கும் உருவில் திருவண்ணாமலை உள்ளது.

திருவண்ணாமலை  கார்த்திகை தீபத்திற்கு நிகராக எந்த ஆலயத்திலும் ஜோதி வழிபாடு ஏற்பட்டதில்லை.

திருவண்ணாமலையில் ஏற்றப்படும் கார்த்திகை தீபம் அண்டசராசரங்களுக்கும் தீப விளக்காக கருதப்படுகிறது. 

திருக்கார்த்திகை தினத்தன்று மலையில் ஏற்றப்படும் தீபத்தை ஒரு முறை தரிசித்தாலே இருபத்தியோரு தலை முறைக்கும் புண்ணியம் கிடைக்கும் என்பது ஐதீகம்

.திருவண்ணாமலை ஈசனை மனதில் நினைத்தாலே,முக்தி கிடைக்கும் என்று  நம்பப்படுகிறது. 

அருணாசலேசுவரரையும்,அபீத குசாம்பாளையும் வணங்கி திருவண்ணாமலை தீபத்தை மனதாரக் கண்டு மகிழுவோம்.

கொரானோ காலமாதலால்  இருக்கும் இடத்திலேயே மனதால் நினைத்து மகிழ ஒரு சில விஷயங்களுடன் இந்தக் கட்டுரை. 

விஷயங்கள் யாவும் வாட்ஸ்அப்பில்  எனக்கு வந்தவைகளில் சிலதுதான் இவைகள். 

29--11---2020   ஞாயிற்றுக் கிழமையன்று கார்த்திகை தீபம்.


அண்ணாமலையாரும், உண்ணாமுலையம்மனும்  அருள்புரிய வேண்டுவோம்.

அண்ணாமலைக்கு அரோஹரா என்பதே இவ்விடத்திய வேண்டுதல் கோஷம்.



Friday, 13 November 2020

வாழ்த்துகள்


யாவருக்கும் தீபாவளி நல்வாழ்த்துகள் ஆரோக்கியமான தீபாவளியாக இருக்கட்டும்   எப்படி இடுகை இடுவதென்பதே மாறி இருப்பதாகத்தோன்றுகிறது.   எதுவாக இருந்தாலும் ஸரி. முயற்சிப்போம்.

ஆசிகளையும் அன்பையும்தானே சொல்லப் போகிறோம். ஆதலால் உங்கள் யாவர் குடும்பத்தின் அனைவருக்கும் என் மனமார்ந்த 14---11--2020 தின தீபாவளி    ஆசிகளும் அன்பும்.     பதிவிற்கு வந்து உங்கள்யாவரையும் பார்த்தே வெகுகாலமாகிரது.  பார்ப்பதில் எவ்வளவு மகிழ்ச்சி தெரியுமா? நாளை குழந்தைகள் தினமும் சேர்ந்து வருகிறது.   

முன்னதாகவே  இனிய தீபாவளி வாழ்த்துகள்   அன்புடன் காமாட்சி




Saturday, 13 April 2019

தமிழ்ப் புத்தாண்டு வாழ்த்துகள்


 அன்புள்ள  நண்பர்கள் யாவருக்கும்   14---4---2019  தமிழ்ப் புத்தாண்டு
 நல் வாழ்த்துகளை காமாட்சி  அன்புடன் தெரிவித்துக் கொள்கிறேன்.
 காமாட்சி மஹாலிங்கம்.


Monday, 14 January 2019

பொங்கலோ பொங்கல். வாழ்த்துகள்

காமாட்சியின்   ஆதரவாளர்கள், மற்றும் யாவருக்கும்,  மகர ஸங்கராந்தி பொங்கல் வாழ்த்துகளையும்,ஆசீர்வாதங்களையும்  இதன் மூலம் தெரிவித்துக் கொள்கிறேன்.
                                            பொங்கலோ பொங்கல்.
ஸகோதரிகள் யாவருக்கும்  கனுப்பொங்கல்    ஆசிகளும்,மங்கலப் பொருட்களும்.
                                            அன்புடன் காமாட்சி
                                       Happy pongal    15   --1---2019
படம் உதவி கூகல்.

Wednesday, 2 January 2019

ஆலு போஸ்தா






பெயரைப் பார்த்ததுமே  புரிந்திருக்கும்.   வங்காளத்தவர்களின்  தயாரிப்பு முறை இது.

 நவராத்திரிக்கு முன்பு  தில்லியிலிருக்கும்போது   நாட்டுப்பெண்ணின்  சிநேகிதி   இதைக் கொண்டு வந்திருந்தாள்.    நான் பாரக்பூரிலிருந்தபோது   எப்போதோ   சாப்பிட்டது நினைவுக்கு வந்தது. சுமார் அறுபது வருடங்கள் ஆகியிருக்கும். அந்த தயாரிப்பே   ஞாபகத்தில் இருந்ததில்லை.

ஸரி காமாட்சிக்காவது எழுதியனுப்பலாம் என்று குறிப்புகள்   கேட்டேன்.  படங்களும் அவள் கொடுத்ததுதான்.     என்னால் எதுவும் செய்ய முடிவதில்லை.   மிக்க சுலபமானமுறை.

பாருங்கள் பிடித்தால் செய்து பாருங்கள். வங்க மொழியில் கசகசாவின் பெயர் போஸ்தா.  ஆலு உருளைக்கிழங்கின் பெயர்.
பாஞ்ச் புரண் என்று சொல்லுவார்கள்.  அது அவர்களின்   சமையலில் முக்கிய  இடம் வகிக்கும்  பொருட்கள்.    கசகசாவும் ,   சேர்த்து  மிகவும் எளிய முறையில் தயார் செய்த    சின்ன உருளைக்கிழங்கின்   கலவைதானிது.   சாதத்துடன் சாப்பிடவே வங்காளத்தவர்களும் விரும்புவார்கள்.  ரொட்டி,பூரி,ஏன் தோசையுடனும் சாப்பிடலாமே! குட்டி உருளைக்கிழங்கில்   முன்பு  நான் சொல்லுகிறேனில் எழுதிய  ஆலுதாம் ஞாபகம் வந்தது.

ஸரி தயாரிக்கும் முறையை   பார்க்கலாமா?

வேண்டியவைகள்.
சின்ன உருளைக் கிழங்கு---கால்கிலோ. சற்று அதிகமாகவும் போடலாம்.
பெரிய வெங்காயம்----மூன்று.
மிளகாய் வற்றல்---மூன்று
கசகசா---மூன்று டேபிள் ஸ்பூன்
 ருசிக்கு---உப்பு
நிறத்திற்கு  ---மஞ்சப் பொடி சிறிது
 வதக்க,பொரிக்க   வேண்டிய அளவு   எண்ணெய்.

பாஞ்ச் புரண் எனப்படுவது  ஒன்றும் பிரமாதமான ஸாமானில்லை.
கடுகு,வெந்தயம், சீரகம்,பெருஞ்சீரகம், ஓமம் ஆக ஐந்து ஸாமான்களே.! வகைக்கு   அரைஸ்பூன்  தாளித்துக் கொட்டப் போதுமானது. இவற்றுடன் ஒரு பிரிஞ்ஜி இலை என்ற தேஜ் பத்தாவும் போட்டிருந்தனர்.

கசகசாவைச் சிறிது  தண்ணீரில் ஊரவைக்கவும்.    உருளைக்கிழங்கை நீங்கள் வழக்கமாக வேக வைக்கும் முறையில்   முக்கா ல்பங்கு வெந்த பதத்தில் தண்ணீரில் வேகவைத்து வடிக்கட்டி,  தோலை உரித்து வைத்துக் கொள்ளவும்.

ஊறவைத்த கசகசாவை மிக்ஸியின் சின்ன கன்டெய்னரில் போட்டு திட்டமானதண்ணீருடன் அறைத்துக் கொள்ளவும்.




வெங்காயத்தையும் பொடிப்பொடியாக  நறுக்கிக் கொள்ளவும்.

வாணலியில் எண்ணெயைக் காயவைத்து, வெந்த உருளைக்கிழங்கைப் பொரித்து எடுத்து வைக்கவும்.


எண்ணெய்  அதிகம்  வேண்டாதோர்   சிவக்க உருளையை வதக்கியும் சேர்க்கலாம்.


அடிகனமான   வாணலியில்    இரண்டு,மூன்று  டேபிள்ஸ்பூன் எண்ணெயைக் காயவைத்து, முதலில் பிரிஞ்சி இலையையும் அடுத்து கடுகை வெடிக்கவிட்டு  மிளகாய் மற்றும்   தாளிக்கக்  கொடுத்த ஸாமான்களைச் சேர்த்து மிதமான தீயில்  வறுத்து நறுக்கிய வெங்காயத்தையும்  சேர்த்து வதக்கவும்.

                                     வெங்காயம் வதங்கியதும்,  பொரித்து வைத்துள்ள  உருளைக் கிழங்குகள்,  உப்பு, மஞ்சப் பொடி  சேர்க்கவும்.
                 
                             
இங்கு போட்டிருக்கும் படத்தைவிட   உருளைக் கிழங்கு சிவக்க வேண்டும். இது வதங்கும் உருளைக்கிழங்குதான்.  எண்ணெய்  வேண்டிய அளவு விட்டு  வதக்கவும்.
     நன்றாகச் சிவக்க வதங்கிய பிறகு   அரைத்து வைத்துள்ள  கசகசாவைச் சிறிது தண்ணீர்  விட்டுக் கரைத்துச் சேர்த்துக்  கொதிக்க வைக்கவும்.

யாவும்கலந்து கொதித்த பிறகு இறக்கி வைத்து   எதனுடன் சாப்பிட இஷ்டமோ அப்படிச் சாப்பிடவும்.
                                      தாளிப்பும் முதலிலேயே ஆகி விடுகிறது.  வேறு எதுவும் போட அவசியமில்லையாம். இரவல் குறிப்பும் படங்களும்! ரஸிக்க முடிகிறதா
பாருங்கள்.
பின் குறிப்பு-------தாளித்துக் கொட்டுவதில்  ஓமத்தை நீக்கி விட்டு  கருஞ்சீரகத்தைச்  சேர்க்கவும்.   உடம்பிற்கு மிகவும் நல்லது கருஞ்சீரகம். உதவி கீதாரெங்கன்.

Monday, 31 December 2018

வாழ்த்துகள்

யாவருக்கும்     ஆங்கிலப் புத்தாண்டு   2019   ஐ   வரவேற்று   நல் வாழ்த்துகளைக்   கூறுகிறேன்.


                                HAPPY  NEW YEAR      2019

Monday, 5 November 2018

தீபாவளி வாழ்த்துகள்.

 மனதிற்கினிய பூச்செண்டுடன்  வழக்கம் போல உங்களைக் காமாட்சி  வாழ்த்தவும். ஆசீர்வதிக்கவும் வந்திருக்கிறேன்.

இனிய குதூகலமான  தீபாவளியாக இருக்க வாழ்த்துகிறேன்.
ஆசிகளும்,அன்பும்.Happy    deepavali.
                       காமாட்சி.  மும்பை

Wednesday, 17 October 2018

ஸரஸ்வதி பூஜை வாழ்த்துகள்

யாவருக்கும் ஸரஸ்வதி பூஜை,விஜயதசமி நல்வாழ்த்துகளும், ஆசிகளும்

அன்புடன்

Wednesday, 12 September 2018

வினாயகர்கள் மும்பையில்

காலையில்  வாட்ஸப்பில், வினாயகர்கள்  படங்கள் மும்பையினின்றும்.  நீ ஏன் படங்களே கேட்கவில்லை? என்ற கேள்வியுடன்.
எங்கு இருந்தாலும் படங்கள் வந்து விடும். போடுவேன்.  ஸரி இம்முறையும் படங்களே வந்து கேள்வி எழுப்புகிறது.   இரண்டு ப்ளாக்.  ஆனந்த சதுர்த்தி
போட்டோவை    யாவருக்கும்  கொண்டு செல்லட்டும்.

வாக்குண்டாம்  நல்ல மனமுண்டாம் மாமலராள்

நோக்குண்டாம்  மேனி நுடங்காது, பூக்கொண்டு

துப்பார் திருமேனித் தும்பிக்கையான் பாதம்

தப்பாமல் சார்வார் தமக்கு.
பாலும் தெளி தேனும் பாகும் பருப்பும் இவை
நான்கும் கலந்துனக்கு  நான் தருவேன்  கோலஞ்செய்
துங்கக் கரிமுகத்துத் தூமணியே  நீ எனக்குச்
சங்கத்தமிழ்  மூன்றும் தா.









யாவரும்  வினாயகரின் பாதம் பணிந்து  ஆசிகள் பெறுவோம்.

Thursday, 23 August 2018

வாழ்த்துகள்.

நாளை அனுஸரிக்கப்போகும்   வரலக்ஷ்மி நோன்பிற்கு எல்லா  மங்கையர்களுக்கும், பெண் குழந்தைகளுக்கும் என் மனமார்ந்த ஆசிகளும்,அன்பும் சொல்லுகிறேன் காமாட்சி.  மும்பையில் வர லக்ஷ்மி  ராவே  மா இன்டிகி    தயார் சென்ற வருடம்.

Saturday, 14 April 2018

வாழ்த்துகள்.

தமிழ்ப்புத்தாண்டு வாழ்த்துகளையும், மனமார்ந்த ஆசிகளையும் உங்கள் யாவருக்கும் தெரிவித்துக் கொள்கிறேன்.  அன்புடன் காமாட்சி

Tuesday, 27 March 2018

பன்னா என்னும் மாங்காய் ஜூஸ்



வெகு நாட்களுக்குப் பிறகு  தாக சாந்திக்கேற்ற ஜூஸுடன் வருகிறேன். இதன் பெயர்  பன்னா.   மாங்காயில் செய்யப்படுவது.
நீங்களும் கேள்விப் பட்டிருப்பீர்கள்.
வட இந்தியாவில்   மாங்காய் சீஸனில்  கட்டாயம் இதைச் செய்கிரார்கள். செய்வதும் எளிது.   ருசியும் இருக்கிறது.  குடி பட்வா  சிறப்புப் பானமும் இது.

புளிப்பு ருசி பிடிக்காதவர்கள் அதிக புளிப்பில்லாத மாங்காயில்  செய்து ருசிக்கலாம்.
கிளிமூக்கு மாங்காய் போன்ற வகைகளிலும் செய்யலாம்.
என்னுடைய  மருமகள்   அடிக்கடி செய்வதால்  எனக்கு மிகவும் பிடிக்கும்.
நம் பக்கத்தில் ஐயோடி! இருக்கிற வெய்யில் போதாதா?  மாங்காய் உஷ்ணமாச்சே.   அதிலே ஜூஸ் வேறு செய்து சாப்பிட்டால் உடம்பிற்கு ஆகுமா என்பார்கள். பொதுவாக இம்மாதிரி வார்த்தைகள்தான் வரும்.  ஆனால் அப்படி இல்லை.
வெயில் நேரத்தில் ஜில் என்ற இந்த ஜூஸ் குளிர்ச்சியைத் தரும். தாக சாந்தியாகும். வெந்த மாங்காய். ஆதலால் நல்லதே!
மாங்காயில்  எவ்வளவு வகை செய்கிறோம்?   அப்படி இதுவும் ஒன்று.
வாருங்கள் நாமும் சற்று முற்றிய மாங்காயொன்றில்  செய்வோம்.
வேண்டியவைகள்.

மாங்காய்---ஒன்று.
சர்க்கரை-- நான்கு டீஸ்பூன்,  ருசிக்குத் தக்க அதிகரிக்கவும்.
சின்ன துண்டு இஞ்சி
புதினா இலை--4
காலாநமக் என்னும் இந்துப்பு  அரை டீஸ்பூன்.
ஏலக்காய்--1
சின்ன குக்கரில் ஒரு டம்ளர் தண்ணீருடன் முழு மாங்காயைச் சேர்த்து நான்கு விஸில் சத்தம் வரும்வரை வேக வைத்து இறக்கவும்.
இல்லை, பருப்பு வேகவைக்கும் போது  வேறு ஒரு ஸப்ரேட்டரில்  அதன் மேல் வைத்துவேக வைத்தாலும்ஸரி.

ஆறினவுடன் மாங்காயின் மேல்த் தோலை நீக்கவும்.
மாங் கதுப்புக்களை ஒரு ஸ்பூனினால்  கொட்டையினின்றும் தனியாகப் பிரித்துக் கொட்டையை நீக்கி விடவும்.
வெந்த மாங்கதுப்புகளுடன்,புதினா,இஞ்சி,ஏலக்காய்,காலாநமக் சேர்த்து மிக்ஸியில்    குளிர்ந்த  நீர் சேர்த்து அரைக்கவும்.


அரைத்த விழுதில் இரண்டு கப் அளவு குளிர்ந்த நீர் சேர்த்துக் கரைத்து, வடிகட்டியில்   வடிக்கட்டவும்.

. சர்க்கரை சேர்த்துக் கலக்கவும். ருசி பார்த்து வேண்டியவைகளை அதிகரித்து, கோப்பைகளில் நிறப்பி அழகு பார்த்துப் பருகவும்.  ருசியான பன்னா!
புளிப்புக்கேற்ப   இனிப்பும்,தண்ணீரும் அதிகமாக்கலாம்.
ஸ்ரீராம நவமி  நிவேதனத்தில்   பன்னாவும்  சேர்த்து விட்டேன். நாம் மட்டும் ருசிக்கலாமா?

Saturday, 13 January 2018

வாழ்த்துகள்

யாவருக்கும் இனிய பொங்கல் வாழ்த்துகள்.  அன்புடன் காமாட்சி

Sunday, 31 December 2017

வாழ்த்துகள்

அன்புள்ளம் கொண்ட பதிவர்கள் யாவருக்கும் என் இனிய  ஆங்கிலப் புத்தாண்டு  நல்வாழ்த்துகள். அன்புடன்  காமாட்சி

Thursday, 7 December 2017

மூலிகை மிக்ஸ்



மூலிகையைத் தேடிக்கொண்டு போகவேண்டுமா.  அப்படியெல்லாமில்லை.  ஸுலபமாக நாம் உபயோகிக்கும் ஸாமான்கள்தான்.
பெயர் கொஞ்சம்  மாறுதலாயிருந்தால் படிக்கத் தூண்டும்.  செய்யவும் தூண்டும். இது எந்தவகையோ தெரியாது. ஆனால்  சாப்பிடத் தூண்டும்.பசியையும் தூண்டும்.  செய்வதும் ஸுலபம்தான்.  வேண்டியவைகளைப் பார்ப்போமா.

வீட்டிலிருந்தவைகளைக் கொண்டே  செய்த  ருசியான ஒரு பொடி.
பச்சைகறிவேப்பிலை--- இரண்டுகப்.சுத்தம் செய்து ஈரமில்லாமல் துணியில் பரத்தி வைக்கவும்.
முதல்நாள் வாங்கிய புதினாவைக்  காயப் போட்டிருந்தேன் . அது அரை கப் இருக்கும்.
கடலைப்பருப்பு----இரண்டு டேபிள்ஸ்பூன்.
உளுத்தம் பருப்பு ----ஒரு டேபிள்ஸ்பூன்
துவரம்பருப்பு----இரண்டு டேபிள்ஸ்பூன்
மிளகு,சீரகம் ---வகைக்கு அரை டீஸ்பூன்
வெள்ளை எள்---ஒரு டேபிள்ஸ்பூன்
காய்ந்த குண்டு மிளகாய்----நான்கு
ஒரு நெல்லிக்காயளவு புளி
உப்பு,பெருங்காயம் தேவைக்கு.
செய்முறை
வாணலியை அடுப்பில் காயவைத்து  எள்ளைப் போட்டு படபடவென்று பொரியும் படி சிவக்க வறுத்து எடுக்கவும்.
அதே வாணலியில்  பருப்புகளையும் தனித்தனியாக எண்ணெய் விடால் சிவக்க வறுத்து எடுத்துக் கொள்ளவும்.தீ நிதானமாக இருந்தால் தீயாமல் பருப்புகள் வறுபடும்.  மிளகு சீரகத்தையும் லேசாக வறுத்துக் கொள்ளவும்.
புளியையும் பிய்த்துப் போட்டு வறுத்தெடுக்கவும்.
மிளகாயைச் சொட்டு எண்ணெய் விட்டு வறுத்தால்தான் நல்லது.ஒரு அரை டீஸ்பூன் எண்ணெயை வாணலியில் காயவைத்து
   கறிவேப்பிலையைப் லேசாக வறுத்து  தீயை நிறுத்தி விடவும்  அதிலேயே வைக்கவும்.
நமுத்துப்போகாமல் இருக்கும்.
யாவும் ஆறிய பின்னர்    பருப்புகள்,மிளகு சீரகம்,மிளகாய்இவைகளை கரகர பதத்தில்  மிக்ஸியில்  பொடிக்கவும்.  வறுத்தபுளி, அல்லது  புளிப் பொடியாக இருந்தால் அதையும், வறுத்த எள்,உப்புசேர்த்து ஒரு சுற்று சுற்றவும்.  வறுத்த கறிவேப்பிலை,காய்ந்த புதினா இவைகளையும் சேர்த்து   பருப்புப்பொடி பதத்தில் அரைத்தெடுத்து   பெருங்காயப்பொடி கலந்து  ஒரு பாட்டிலில் பத்திரப் படுத்தவும். மிகவும் நைஸாக பொடிக்கக் கூடாது.
சாதத்தில்  நெய் விட்டுக் கொண்டு இப்பொடியைச் சேர்த்து சாப்பிட மிகவும் ருசியாக இருக்கும்.  பச்சடி,மோர்குழம்பு,வெந்தயக்குழம்பு இவைகள் ஜோடி சேரும்.  தாளித்துக்கொட்டிக் கலந்த சாதமாகவும் தயாரிக்கலாம்.
நான் நாரத்தை அல்லது எலுமிச்சை இலைகளையும் ஒன்றிரண்டு உடன் சேர்ப்பேன்.  வாஸனையாக இருக்கும்  எதுவும் மற்றவர்களுக்கு விருப்பம் வேண்டுமே!












Monday, 16 October 2017

தீபாவளி வாழ்த்துகள்

அன்புள்ளம் கொண்ட  யாவருக்கும்    காமாட்சியின்  மனங்கனிந்த   இனிய தீபாவளி நல் வாழ்த்துகளும்,  அன்பும்.சொல்லுகிறேன்  காமாட்சி.  17--10--2017. டில்லி.

Thursday, 21 September 2017

வாழ்த்துகள்

அன்பான யாவருக்கும் காமாட்சியின்  மனமுவந்த  இனிய நவராத்திரி நல் வாழ்த்துகள்.  அன்புடன்.